Ұстазсыз өмірдің нақты тұтқасын ұстау мүмкін емес. Адамды тәрбиелеп, оны азамат атандырудың өзі бір үлкен күш. Сондықтан да ұстаздың еңбегі- ұлы еңбек. Өзінің бар өмірін ұстаздық жолға арнаған дара тұлғалардың бірі бүгінде мерейлі 60 жасқа толып отырған С.Сейфуллин атындағы гимназияның жоғары санатты дене шынықтыру пәнінің мұғалімі Князюк Владимир Олегович. 
Князюк Владимир Олеговичтей кәсіби шебер ұстаздан тәрбие алған қаншама шәкірттері спорт саласында биік шыңдарды бағындыруда. Қаңтар айының 26 жұлдызында С.Сейфуллин атындағы гимназияда қуанышты күн болды. Себебі осы күні ұстазды құттықтауға арнайы «Сәтбаев қаласы білім бөлімі»ММ басшысы Акишбеков Берик Базылович және кәсіподақ ұйымының төрайымы Ильясова Гулнар Жумабековна, Қарағанды облысы білім берді дамытудың оқу- әдістемелік орталығының әдіскері Ахмалтдинова Кульнарша Базарбаевна келді. 
Князюк Владимир Олеговичке Қарағанды облысының білім басқармасынан «Қарағанды облысының білім саласына еңбегі сіңген қызметкері» төсбелгісі тарту етілді. Шара барысында келген қонақтар және С.Сейфуллин гимназиясының директоры Суюнжанова Гулбану Кайырбековна мерейтой иесіне ақ тілектерін айтып, қуанышымен бөлісті. 
60 жас-мерейлі жас ер үшін, 
Еңбегіңіз еселенсін ел үшін. 
Әлі талай қызықтарға кенеліп, 
Бұл өмірдің көріңіз тек жеңісін!